Afifio maia.
O le Otago Community Trust, o se fa’alapotopotoga agaalofa o lo’o pulea e le nu’u, o loʻo ofoina foa’i tautupe e fesoasoani i poloketi a le nuʻu, o lo’o faia saofaga lelei i tagatanu’u i Otago.
O le matou fa’atupeina, na afua mai i le tulafono fa’atonutonu i le 1988, ina ua fa’avaeina e le Mālō le Otago Community Trust, e taofia ma fa’atonutonu siea a le Trust Bank Otago. Mulimuli ane, ua fa’avaeina e Trust Bank a itumalo a le atunu’u, le Trust Bank Niu Sila, ma e o’o atu i le 1996, ua fa’atau atu e le Otago Community Trust ana siea ia Westpac Niu Sila. O lenei faʻatauga, na maua ai e le Trust le tupe fa’avae o le $ 131 miliona ma le sa’olotoga e galue tutoʻatasi ai.
Talu mai lena taimi, o lo’o fa’atonutonu ma le fa’autauta ma fa’atuputupu a’e e Otago Community Trust o ana teuga tupe fa’afaigaluega, i le faʻaaogina ai o se vaega o tupe mamā i tausaga taʻitasi e lagolagoina ai kulupu a nuʻu ma poloketi i totonu o le itumalo o Otago.
O le Otago Community Trust, e leai se tupe e maua mai isi fa’alapotopotoga faʻatupeina poʻo masini ta’alo.
O le Trust o loʻo pulea e Tausi Mavaega e 11, ua tofia e le Minisita o Tupe, mo le vaitaimi o le fa tausaga - vaai tala’aga ‘oto’oto o a matou Tausi Mavaega iinei.
O la matou va’aiga mamao mo nu’u i Otago ia olaola ma malosi, ma puipuia tagata, measina, ma le si’osi’omaga. Ina ia ausia la matou va’aiga mamao, matou te faamoemoe e faatupe i itu e fa o fuafuaga fa’ata’atia o vaega taula’i:
- Fa’amalosiina o nu’u
- Si’itiaina le soifua maloloina ma le soifua manuia
- Faateleina le mauaina o avanoa
- Tamaiti ma tagata talavou olaola
O la matou Fuafuaga Fa’ata’atia fou, ua faʻataoto mai ai le ta’iala mo le Trust mo le isi lima tausaga, e mafai ona maimoaina i’inei.
I tausaga taʻitasi o a matou foa’i tautupe, e lagolagoina le tele o poloketi, polokalame, nofoaga, ’au’aunaga ma mea e tutupu e fesoasoani i la matou vaʻaiga mamao. O foa’i tautupe e mafai ona fa’atinoina i vaega, e amata mai i foa’i tautupe laiti ta’itasi, e o’o i foa’i tautupe masani faʻaletausaga mo faʻalapotopotoga a le nuʻu, ma o’o atu fo’i i foa’i tautupe tetele mo poloketi tetele ta’itasi a le nu’u. O isi faʻamatalaga e uiga i la matou faʻatupeina e mafai ona maimoaina i’inei.
O la matou aufaigaluega e masani ona feoa’i ma faʻataʻamilo i totonu o le nu’u. Afai e te manaʻomia se fautuaga mo le faʻatupeina pe fa’atalanoaina se poloketi, o lo’o matou avanoa mo se fesoasoani, faʻamolemole telefoni mai matou i le 0800 10 12 40, e mafai fo’i ona imeli mai lau fesili i le info@oct.org.nz